Entrega di Bukinan pa Muchanan

IMG_1861

Un idea di sra. Alida Kock awe a bira realidad na momento cu a hasi entrega di su bukinan na Stichting Kinderhuis Imeldahof. E idea tabata pa trece su bukinan di mucha, cu ta un total di 3 ehemplar den idioma Papiamento, pero tambe na Hulandes y Ingles, pa reparti pa nos muchanan na Aruba. Di es manera aki sra. Alida Kock ta duna bek na su isla, yudando na expande nan vocabulario y conocemento general di nos muchanan.
Skolnan di bario y scol di infancia di sra. Alida Kock ,esta Fatima College, ta esnan cu a ricibi pakete di e bukinan aki.

Den nomber di Gobierno di Aruba mi ta felicita y gradici sra Alida Kock y Natalia Hernandez pa e bunita gesto aki, dunando nos muchanan material pa lesa. Lesa ta yuda nos muchanan desaroya nan forma di pensa y papia. E ta stimula nos muchanan pa sigi hasi cosnan positivo, locual ta e pensamento essencial den cuadro di nos maneho. Nos mester yuda nos muchanan recrea den formanan positivo sea ta lesa, den forma artistico, guinan den nan talento musical, tur ta aspectonan importante pa nan desaroyo. Ta importante pa mayornan sinta lesa cu nan jiunan, den e forma aki boso ta yudanan desaroya nan vocabulario, sea un bon ehempel y guianan.”

Tambe mi ta gradici esnan presente den nomber di Minister di Enseñansa sra Michelle Hooyboer-Winklaar pa e entrega di leesmaterial na nos muchanan.

Leave a Reply

Your email address will not be published. Required fields are marked *